2.11.2008
2.11.2008 19:00 黃頁

哥哥對妹妹仲係好抗拒,
要等到兩個都訓著左先影到「合照」…

首次見面

妹妹出世已一星期了,但為了方便照顧,哥哥連日都寄住於婆婆家裡,兩兄妹今天才第一次見面呢!

哥哥的反應

新的家庭成員,對於一歲九個月大的哥哥來說,當然未能了解是怎麼一回事啦!但一如我們之前所料,就是縱使不明白,亦一定會比較抗拒的,畢竟他已習慣了一個人獨佔我們兩份愛了!

怎麼辦?

在此之前,熟悉的人們要是當他面抱著別的小朋友,他的反應已十分劇烈的了!可想而知,要他每天都看到我們抱著妹妹,是多麼難以接受的!

終於,今天我第一次試圖抱著妹妹介紹給他,然而他的反應比我們想像的更劇烈。原本以為他會和之前一樣大叫大哭等,可是他卻立即上前用力地推開我的手,以行動叫我放下妹妹呢!

今天之後,哥哥會繼續在婆婆家住多幾星期才搬回來的,要怎麼辦才可以令他接受妹妹,真是一個令人頭痛的難題,不知要多久,才可以令兩兄妹相親相愛了…

2.04.2008
2.04.2008 12:58 黃頁

19:44, 4th Feb 2008
爸爸第二次見妹妹時影既相:
當時佢剛剛食完奶,好滿足咁訓著左…

辛苦了媽媽

由入院、到陣痛得整晚沒有睡覺,再到產房裡經歷了整整六小時的痛楚!幾經辛苦,媽媽終於為小書恆和爸爸誕下了可愛的妹妹…

大隻妹BB房稱冠

中午12點58分,重達4.235kg(9磅5安士)的大隻妹終於出世了,足足比小書恆出世時重了近兩磅呢!可想而知,媽媽真的筋疲力竭了!亦由於妹妹是Big Baby,所以醫生說要送她去做多些檢查,一出世便立即經歷了和媽媽的第一次分離呢!幸好,她倆只是分開了一晚而已。

兩日之後…


妹妹屬豬定屬鼠?

 

阿女出世兩、三日黎,親友一聽到呢個消息,第一時間都係話我太太趕得切生個豬女比我云云…

但我之前聽就係立春就當屬鼠喇,又聽講麥玲玲話早上七點後出世就屬鼠,一時間搞到我都暈暈地,都唔知邊句真!


頭髮冇哥哥咁勁,但都總算多啦 ;p



包到實一實,好有安全感呀…


立春就屬鼠?

搵左一陣料既結論係,由於中國既曆法為「陽陰合曆」,簡單黎講,日子、即初一、十五等屬陰曆,只反映月之盈虧;而立春、冬至等廿四節氣為陽曆,同西曆一樣跟據根據太陽在黃道上的位置(黃經)計算得出(所以每年廿四節氣都會係西曆既差唔多日子出現)。



而由於節氣反映氣候,而中華民族以農立國,務農又以氣候作基礎,所以中國既生肖以第一個節氣「立春」作交替分界!

結論?

講到呢度,大家好可能會以為我個女屬鼠喇!但係咪住,記唔記得麥玲玲話「早上七點後出世就屬鼠」呢?咁又係點解呢?




「我好眼訓呀,拜拜喇各位! zzzzZ」

原來節氣唔只要計到日子,係要準確咁計算到時間既!而我係Wiki搵到既資料就話08年2月4日下午7:00至2月19日下午2:49為立春!煩喇,B女偏偏係麥玲玲同Wiki個時間中間(中午12:58)出世!家陣有冇人可以話我知究竟邊個真呢?

較新的文章 較舊的文章 返回首頁 訂閱: 文章

最近發表的文章
歡迎光臨