5.17.2008
5.17.2008 23:58 黃頁
不知不覺間,小恆恆已經兩歲了!當初只懂在媽媽肚皮裡試著「起飛腳」的這個小生命,在過去短短的兩年時間裡,已經成了一個四處跑、冇時停、時而令人歡笑,亦時而惹人嬲怒的小男孩了!現在的他,已經差不多真的會打功夫了!

看似飛快的兩年時光,回望卻找到無數難忘的片段,當中轉變之大,實在令人一生難忘!回想起當天,一個可單手可抱個半天的小男孩、今天已要出盡兩臂之力才能抱一會兒了;一個原本不會抱BB的人,現在每天也抱著自己的孩子玩;一個本來十分貪玩的女孩,今天成了隻身照顧兩個孩子的偉大母親;另一個無知的小女孩就剛剛走進這個世界,為她的人生踏出了第一步…

雖然發生了很多很多的事情,但不竟只是兩年而已,是我們這一家故事的起點!希望一家人以後可以開開心心地、一起渡過將來的每一年吧!

2008.5.17
5.01.2008
5.01.2008 23:55 黃頁

無記錯D相係第二次同佢刷牙仔時影既…

牙仔黃禁禁o既恆恆

恆恆D牙仔就快出齊喇,只係差幾隻大牙啫!其實眼見佢D牙仔「黃禁禁」咁,兩公婆就早前已經想教佢刷牙仔架喇,但係就因為妹妹出世以來、一直都忙到冇幾多時間可以比到書恆仔,所以先遲遲未有行動啫…


終於有時間試下喇!

先由爸爸作真人示範,起初佢都有D唔知點,但見到爸爸刷到嘔曬白泡、又好似幾好玩咁喎!於是試左幾次,終於都放到支牙刷入佢口喇。一開始刷既時候,佢就因為唔慣,所以比支牙刷搞到係咁笑!結果搞左一輪,都唔知刷左邊幾隻牙仔之後,佢就唔「玩」喇!不過都好啦,第一次嘛!下次再努力啦!


都好認真架…


你睇佢係刷牙刷定刷脷呢…?

後記

恆恆其後每次刷牙仔都會一手搶左支牙刷去,然後自己係咁刷、係咁刷,之但係就次次都係用冇刷毛果邊刷(見圖)……所以呢,佢D牙仔到家陣都仲係「黃禁禁」架…唉~

較新的文章 較舊的文章 返回首頁 訂閱: 文章

最近發表的文章
歡迎光臨