1.31.2009
1.31.2009 13:34 黃頁
今個月一次過有兩個新年、再加埋潼潼舊曆生日,咁多event應該會影好多相先啱。不過由於潼潼剛剛學識行路,成日通屋走既關係,兩公婆經常都要睇實佢而冇咩時間同兩個B影相!所以爸爸好快就已經可以將有限既相upload上網喇!

高清相簿

另外,由於比人投訴過D相既解像度低,晒出黎唔靚,所以今個月開始會同步發放一套高清版本既相簿(1600 pixels)!有需要可以到爸爸既Picasa相簿下載!

[爸爸的Picasa相簿]
http://picasaweb.google.com.hk/wongyipli/

先睹為快:

1.20.2009
1.20.2009 19:50 黃頁
學識行路已經有一個月喇,潼潼家陣真係冇時停、由朝到晚都四圍行,想放佢落床仔抖下啦,佢又R到張網床仔開晒o隆喎,搞到媽咪成日都好似捉雞仔咁,想抖下都冇時間呢!

天氣回暖,有得去公園

尋日一家出動去shopping之後,見今日有D時間、加上因為天氣好凍而有一段時間都冇同佢地去公園喇,所以就帶埋兩小B去玩下啦!哥哥一去到商場出口,就一枝箭咁衝左去公園喇,冇話會回頭睇下我地有冇跟住佢架,睇少眼真係分分鐘走失呀!


好唔耐煩o既「緊守門口等去街二人組」

第一次自由活動

潼潼雖然已經系屋企四圍走,不過因為未著慣鞋仔,所以對上一次比佢著住鞋仔系公園試下行路時,都仲係唔多得既。今次就唔同喇,一放落地下就好似系屋企咁:失控暴走,行到唔肯比我地抱番上手呢!

自已行番屋企

由於時間所限,玩左冇耐就要返屋企喇。恆恆例牌唔肯走啦,結果要氹到佢坐左上BB車先至走到!潼潼就勁喇,一路都要自己行呀!最後兩兄妹交換左返屋企既方法,恆恆坐車仔入屋,而潼潼就第一次自己行入屋呢!

P.S.可惜無帶相機落街,只係出門口前同兩小B影左兩張相咋!

1.09.2009
1.09.2009 00:55 黃頁
無耐之前先學識行路既潼潼真係變到好百厭!有幾惡搞?睇下以下呢張相啦,真係睇少陣都唔得喇!


潼潼好似想擒返上自己床仔…

較新的文章 較舊的文章 返回首頁 訂閱: 文章

最近發表的文章
歡迎光臨