上星期,兩小B細姑姑個B仔出左世喇,潼潼已經唔係家族中最細既B,而恆恆亦唔再係最細既B仔喇!隔左十日有多,四口家今日終於可以去探下呢個家族新成員喇!
潼潼爸及恆恆媽都覺得李小B個樣勁似佢爸爸,尤其係個細細既嘴仔!細姑姑說BB眼似自己,但我地睇除左係雙眼皮之外,都係似細姑丈多D!不過唔講個樣,表弟仔就有一樣野深得細姑姑真傳,就係好懶訓豬喇!我地上左去大半日就嘈足大半日…但係表弟仔都只係打開左對眼仔幾次咋,而且次次都係得一陣!幾嘈都好啦,佢都照訓…好厲害!
之前已經好鍾意玩BB公仔既潼潼,一見到BB就睇到眼都唔眨、抓住BB床欄係咁叫「BB…BB…」(爸爸只掛住睇,唔記得影相…);而恆恆亦唔似以前抗拒妹妹咁、一開始就肯出手摸下表弟仔喇!
祝 表弟仔
身體健康,快高長大!
標籤:
表弟仔
此文章沒有任何意見
最近發表的文章
發佈留言