傳說中另一間不錯的選擇

緊接上星期，一家四口又到另一間幼稚園參加開放日活動喇。今次睇既係網友普遍有正面評價既浸信會幼稚園，不過其實都一樣唔係我地既心水首選。

地方好似幾好

可能恆恆已經當左係例行活動，今次佢肯自己行入去玩喇！

由於呢間幼稚園位處頂樓，一上到樓就會發現個玻璃天花，小朋友於室內玩耍都可以曬下太陽．幾好！不過望真Ｄ，佢Ｄ班房間隔有Ｄ怪怪地，有Ｄ呢度凹下、果度又凸下既感覺，又扣番分。

車車有得睇冇得玩

行一陣就發現有好多車拍左埋一邊，可惜都係綁住左既，想比恆恆坐下都唔得，唯有用黎比妹妹做下影相佈景啦！

話咁快玩齊咁多個遊戲

起初以為大機構既學校搞開放日應該會幾多野玩，但事實又唔係…比小朋友玩既野都幾冇趣味，而過程中我地發現：Ｄ老師好似唔係好得囉…走時兩公婆一致表示唔會揀呢間比個仔讀呢間。

Sorry 相機冇電

Anyway，其實兩兄妹今日玩得OK開心既，可惜係爸爸忘了帶後備電，所以錯過左後半part唔少較為精彩既鏡頭呢！

去幼稚園玩唔夠皮

一向好貪玩既恆恆，又點會滿足於系幼稚園玩得果一陣呢！所以為左比佢玩番夠本，一家人回家稍息後又走左落街喇！

很喜歡坐購物車…

由於去左Shopping入貨，買左一大車野又唔想叫送貨，於是向超市借左架購物車。起初係比恆恆坐住既，未去到公園，佢就急不及待跳左落車衝過去喇…已原本已經坐緊BB車潼潼又有Ｄ悶到發脾氣咁，於是媽咪就抱左佢上購物車坐喇。

將來會是購物狂嗎？

坐上去起初都唔係好慣架，不過搞下哩又搞下嘮、又覺得幾好玩喎，於是就唔肯比人抱番出黎喇！

還車之旅

好啦，有借有還上等人嘛，就由個仔負責揸架車去還啦！今日都算玩到盡興喇，所以恆恆心情唔錯，仲好難得比我笠住佢個頭影左張相添！

恆恆點都唔肯入去

隔左兩個星，又有幼稚園搞開放日喇。今次到網友好評既可譽幼稚園，雖然唔係首選，但係兩公婆都想認真黎睇下，順便比多Ｄ機會恆恆試下群體活動囉！

神秘原因令小恆恆唔肯入去玩

一上到樓，個仔連閚都唔肯出，又拉又扯、又有姐姐氹，最後連氣球公仔都出埋！結果搞左一大輪先捉到佢入要！

起初以為佢係唔夠訓所以唔想玩先唔肯入，結果玩左一陣兩公婆先知咩事…原來有神秘原因！

全程比個Miss跟住

間幼稚園睇落比上次果間好Ｄ，感覺上較新淨同企理。唔知係唔係佢地睇到恆恆咁上下大、系時候入學喇，所以整個參觀過程都由同一個老師緊貼我地一家人！雖然冇感覺到佢Sell間學校，但係我同媽咪都覺得有一點煩！

而由於受到神秘原因影響，恆恆一路都只係行行企企咁，咩都唔多想玩，所以都冇咩參與過各個課室既遊戲。於是媽咪捉佢睇左陣故事書之後，放左佢自由活動，結果又比佢發現到最有興趣「車車」卡、又同上次一樣玩都想拎埋走…

自由活動

睇到冇野好睇，就帶左佢出Hall，又佢自己玩喇。兩公婆最想佢同人地Ｄ小朋友一齊玩，不過佢就始終都唔肯，依舊自己一個人玩，自得其樂咁…

唔肯入黎，最後又唔肯走

玩到上左間屋仔之後，恆恆就點都唔肯番落黎，甚至叫極都唔肯走添，真係比佢激死！

一輪資料搜集之後，媽咪大概都有就首、次選喇。但係兩公婆都唔想一味信人講，於是就決定去齊咁多間既開放日，一於自己睇真Ｄ先決定！

第一次參觀幼稚園

終於到左第一間幼稚園既開放日喇！由於唔係好夠訓，加上現場實在係有少許嘈雜，恆恆一味走埋一邊、企定定咁！

參觀班房

因為個傻豬唔係好肯同其他小朋友玩，於是我地就拖左佢去睇Ｄ班房啦。見到有個班房玩拼字…仲要係拼中文字…由於個仔既程度不足，skip左、直入一間玩畫公仔既班房～

由於佢一向都鍾意亂畫一通，所以都玩得幾開心，但係玩玩下就見到四周圍都好多玩具，佢就開始唔專心，要拎Ｄ玩具黎玩喇！

唔睇故事書

畫完公仔，我地想帶佢去睇書仔，點知佢一Ｄ興趣都冇，一味比側邊Ｄ電腦吸引住…激死！之後媽咪就搵左Ｄ圖畫卡比佢睇，佢一睇到張巴士圖片就揸住唔放，幾乎想拎埋走咁！

應該唔揀呢間

兩公婆係咁已睇過晒間野，睇黎唔係咁好。連Open Day都係咁上下…冇咩吸引力，都係下次再睇第二間把啦…