10.31.2011
10.31.2011 22:01 黃頁
大概因為系學校慣左貼堂吧,潼潼今晚畫左「一本書」之後竟然叫我將佢貼上衣櫃...
10.15.2011
10.15.2011 19:04 黃頁
啱啱食左兩粒阿妹嘅雞蛋仔,轉個頭就甩左出黎喇!
9.29.2011
9.29.2011 21:39 黃頁
第一隻就甩既就係第一隻生出黎果隻。
9.22.2011
9.22.2011 21:08 黃頁
恆恆真係好鐘意畫公仔,以下係佢早兩日畫既漫畫,佢自己話係一個同我地去街既故事喎。 Anyway,兩公婆都覺得好靚!
9.17.2011
9.17.2011 21:52 黃頁
仲有呀,終於都得閒寫blog喇!
1.31.2011
1.31.2011 23:45 黃頁

又一個三歲喇!

又到年廿八喇,今日係潼潼舊曆生日。多得寶貝女既帶竭,今日又唔使大掃除!三歲既潼潼身、心都發展得好快,快到我地兩公婆好唔捨得,唔捨得咁快就冇得湊呢個得意BB女!

P-2011-01-31 15-42-58-crop1咩都快人一步

有哥哥帶住,潼潼真係咩都發展得快人一步,有D野已經好迫近、甚至已經超過左恆恆…例如早兩個月女已經完全戒左片,比恆恆早左好多之餘,過程仲要係無痛既!幾乎一講就識夜晚自己起身話shushu,著左都冇半包學習褲就已經完全戒左片,好叻女!P-2011-01-31 15-44-41-crop1

睇落溫文,其實係惡人

現在既潼潼,唔止會行會跳又會走,仲會跳梳化、打交兼拆樓~~曳既程度已經同比哥哥勁好多喇!平時出街一見多兩個人,佢就會唔多出聲,睇落真係斯斯文文、呃得下人,返到屋企就原全係兩個人!講野聲大大,係獅吼功既高手,媽咪已經多次比佢既內力震傷喇!

由於係跟住哥哥同表哥一齊大既原因,玩既野都好男仔頭,例如車仔同槍。如果爸爸系屋企,佢一拎起支槍就會學足哥哥咁問:「邊個壞人?」之後自己答:「爸爸係壞人!」之後開火…

九月就會同哥哥一齊返學P-2011-01-31 15-44-18-crop1

日日睇住哥哥做功課既潼潼,不知不覺間已經學左好多野,原本想安排佢K1插班讀下學期既,不過怕佢正式讀K1時,會因為重複既課堂會令佢失去左學習興趣,所以最終都冇比佢插班;而由於哥哥好鍾意「玩」寫字,有樣學樣之下,潼潼都成日揸住枝筆,但就一路都只係畫下公仔,到近呢個月先開始寫下自己個英文名,雖然係串極都唔啱,但已經好了不起喇!

講開佢畫既畫,真係越畫越靚,睇黎好有天分,第時真係要加以栽培,等佢斯文D,溝淡一下跟住阿哥長大時培養出黎既男仔頭性格先得!

又再一次,期待九月既來臨 !

仲有好多野想寫…

但實在太長時間冇寫blog喇,連打字都慢晒!而且太多野想寫,一時難以組織得好,希望過多個零兩個月之後可以清閒D,回返呢大半年既帶啦…

 

寶貝女潼潼 生日快樂,身體健康

2011年1月31日

較新的文章 較舊的文章 返回首頁 訂閱: 文章

最近發表的文章
歡迎光臨