近排恆恆久唔久就會拎住紙筆走黎問我地食乜野,近幾日連妹妹都跟住佢一齊玩。
有一次,妹妹走黎去問老婆:食乜野呀?老婆一話要牛腩粉佢就走左去扮拎野,跟住就扮捧住野咁走返黎,於是老婆問佢:咩黎架?佢話:叉燒飯! (全場大笑) 老婆同佢講:我要牛腩粉喎!跟住佢又即刻走左去,再扮晒捧住野咁返黎喇,老婆再問佢:咩黎架?佢話:叉燒飯~喎! (全場爆笑) 最終要到第三次先至捧到碗牛腩粉返黎。 哥哥扮得似D 相對而言,恆恆就扮得似好多喇,起碼佢唔會落錯order先啦!而且仲會問埋你飲乜野添,好似好識做生意咁! | 兩個B一見到相機就會係咁叫「比我睇下呀…」 所以暫時未影到佢地扮緊野既相! (上圖:屋企偶爾先會煲老火湯,兩小B都好鍾意飲!) |
發佈留言